在電影《軍雞》中被虐打兼被雞姦的余文樂，再次接受挑戰，在新片《青苔》入面，飾演亦忠亦奸的警察，與飾演妓女的冼色麗發展一段畸戀，樂仔對此表示拍攝完後精神近乎崩潰。
余文樂和新人冼色麗主演電影《青苔》，樂仔在片中飾演穿梭黑白兩道的警察，活在兩個世界中而備受壓力，因而召妓宣洩，繼後更與冼色麗發展一段畸戀。余文樂苦訴自己經常飾演壞孩子角色，他說：「我嘅警察角色除咗收片（即保護費），又幫賊做嘢，仲要叫雞唔畀錢，又衰又賤，拍完之後個人精神好繃緊，精神好似一條就嚟拉斷嘅橡筋。」
戲內外不熟絡
曾經拍攝《地獄第19層》的冼色麗仍算是螢幕初哥，今次她飾演妓女，對她來說是個挑戰，她說：「我接到個角色後，腦海一片空白，冇把握點樣去演個角色，親熱戲唔算好激，但係以前未拍過。」
冼色麗得悉要演妓女後，也先向家人說清楚，她說：「我同屋企人講定先，演員好希望有更多角色發展，家人好支持，而且衣着唔會好暴露。」
兩人在戲中雖然有親熱戲，不過樂仔指無論戲裏戲外，他與冼色麗也不熟絡，幸好這情況剛好切合兩人的角色關係，樂仔說：「戲入面講我幫襯過幾次，因為佢服務態度好，所以幫出感情，之後就畀錢佢同我傾偈，不過其間都試過唔畀錢嘅。」
採訪：張俊銘
攝影：陳順禎
場地：白木屋 髮型：BenYeung（余文樂）、NickofOrient4（冼色麗）
化妝：JennyTziong（余文樂）、Johnathan.YofMakeAcadency（冼色麗）