早前ILoveYouBoy'z（艾粒）以及Hotcha拍攝Neway卡拉OK廣告，宣傳唱K同時可以欣賞歐洲國家盃賽事，拍攝當日眾人均要作80年代打扮，當中艾粒更以搞笑扮相示人。
二人組合ILoveYouBoy'z早前身穿花恤衫及戴假髮，以搞笑形象與女子組合Hotcha拍攝卡拉OK廣告。Hotcha三位成員見到艾粒的造型即時忍俊不禁，她們笑言艾粒似咸豐年代的飛仔，Hotcha說：「佢哋兩個唔係飛仔，係飛佬，因為好多時都係阿叔先會着呢款夏老威（夏威夷恤衫），加埋個假髮真係好爆笑，我驚正式拍嘅時候會忍唔住笑。」
地位今非昔比
艾粒表示今次是第二次與Hotcha合作，並笑言Hotcha地位今非昔比，阿占說：「之前同佢哋拍嘢得一個人跟佢哋三個，𠵱家佢哋真係不得了，又有化妝師又有髮型師，真係前途無可限量囉！」
嚇得呱呱大叫
另外，等待埋位時現場發生了一宗命案，當Hotcha接受訪問時有一隻小強（曱甴）行過，把Hotcha嚇得呱呱大叫。此時Donald正好經過，他一腳將曱甴踩死，但Hotcha不但沒有感激Donald，反而大鬧他是殺生兇手。Hotcha成員之一的Regen為了幫曱甴報仇，非常大膽地執起地上的曱甴屍體追嚇Donald。
採訪、攝影：李珮洳