廖碧兒噚日出席喺九龍灣舉行嘅B&Q開幕一周年大派對，碧兒得到贊助裝修睡房，佢話：「如果可以包晒我成間屋就好啦，最想整吓個廚房，因為我想要個焗爐。」問佢係咪買咗新屋要裝修？佢懶神秘咁話：「唔知呢，不過我係有一間屋要裝修，新定舊就唔講得。」記者問係咪之前話同陳豪築愛巢嗰間呀？佢話：「呢單新聞都好耐啦！」