港股成交量創9個月新低，只有550億。中國移動（941）累積跌幅不小，市場關注該股何時反彈，嘉賓指中移動已達超值水平，近期下跌只是市場反應過敏，更指它在6月會有不錯表現。
黃：黃偉康 楊：楊慧玲
楊：港股成交量創9個月以來新低，呢幾日會唔會係悶市格局居多？
黃：應該會，期指大戶𠵱家做緊轉倉活動，要借消息推低個市，所以大市暫時未必有突出表現，加上三隻中資電訊股停咗牌，短時間未必可以復牌，影響到整體成交。
楊：一眾內房股造好，中國海外（688）表現好好，內房股係唔係反彈？
黃：新聞指內地6月CPI會下調，大家憧憬宏調放鬆，減少內房股嘅壓力，所以投資者再追入番啲內房股。
楊：你自己有無心水內房股呢？
黃：我心水係中國海外，佢手頭現金充裕，加上業務較廣泛，如果博反彈，入佢會安全啲。不過整體只可以作短線投資，因為內地房地產業未必會即時回穩，因未上市嘅內地房產公司始終有財政壓力，新盤可能仲有減價潮，對內地樓價仍有壓力，所以內房股陰影未完全消除。
卓悅急升難估頂
方小姐：我想講卓悅控股（653），見佢呢幾日升，派息又幾好。幾時可以沽出呢？
楊：呢排佢走勢都好好，可唔可以持續？
黃：要現水位估佢嘅頂位較困難，你現時可以做嘅就係不停將個止賺位推高，保障利潤，就算股價回落都唔會損失所有利潤，建議你放止賺位係4.5蚊左右，如果短期跌唔穿4.5蚊你可以繼續持有，如果升穿5蚊以上企穩，你就再將止賺位放係5蚊以上。
楊：有無聽到炒作消息？
黃：我未聽到有消息，不過升得咁急，就算有消息我都叫你小心啲，因為累積已經升咗一倍，股價都已經反映咗好多利好因素，如果再有消息，可能有投資者會趁好消息出貨都唔出奇。
--新加坡方小姐個案--
買入價：4.48元
目標價：6元
止蝕價：-
時期：兩個月
每日收市後4:30pm
歡迎click入 http://finance.appledaily.com以webcam參與節目及收看
歡迎phonein28698262暢談心得亦可email至mailto:[email protected]搶先貼股
今日嘉賓：
