袁彩雲噚日喺中環幫一間食品店剪綵，佢話呢排因為寫緊新嘅烹飪書，所以非常忙碌。前晚彩雲雖然一口氣煮咗廿幾個餸，但係佢個男朋友因為北上公幹，所以冇份食。 話咁快6月就到，佢話寫完書之後就要忙住準備主持亞視嘅奧運節目，𠵱家只係得番兩個月時間，佢話有大把關於奧運嘅資料仲未啃，睇嚟佢仲會有排忙。