啱啱做完舞台劇嘅倫永亮呢輪比較得閒，前晚10點零鐘佢就揸住部平治靚Jeep去跑馬地。當時倫永亮將車泊喺街邊，然後一支箭衝去提款機度㩒錢，但經過士多時，向來滋陰嘅佢對擺喺店外嘅生果甚有興趣，不過佢似乎好趕時間，呢頭㩒完錢上車，嗰頭就有個神秘男子（箭嘴示）火速跳上車，倫永亮都未坐好已踩油離開，比約女仔出街仲心急㖭呀！