荷李活女星莎朗史東（SharonStone）日前在康城發表四川地震是中國因果循環的言論後，即惹來不少人炮轟，昨更傳出電影工作者總會會長吳思遠在內地的UME院線會杯葛她的所有電影。記者昨致電吳思遠求證時，他表示相信莎朗史東主演的電影以後難以被引進內地市場，UME也不會播放她的電影。
言論惹反感
吳思遠在電話中說：「我相信佢咁嘅言論，想入內地市場都幾辛苦，所以我哋嘅UME都唔會播到佢嘅戲。」對於莎朗史東的言論，吳思遠說：「佢講嘅嘢唔恰當，我覺得佢咁講好唔啱，不合時宜，災難死嘅係老百姓嚟㗎。」他又指UME在內地共有7間影院，近日也捐了100萬元賑災。
吳思遠又謂他沒權杯葛莎朗史東的電影在港播映，但他也不看好，他說：「香港冇話杯葛，但觀眾睇唔睇係另一回事。」他又指香港導演與莎朗史東的合作機會極微，因今次事件已令她的華人市場受到大影響。
採訪：林妃