呢排途經先達，睇見全場獨沽一味齋賣iPhone，雖然價錢上上落落好似股票咁刺激，之不過一直等緊新機出籠嘅朋友，就真係悶到發霉！不過貴有貴買，平價機都有佢嘅市場，就好似上星期落地呢款i-mateJAMA，配置Windows作業系統，殊不知價錢先至賣緊$1,480，講執平貨，直情搶埋祖國大陸機嗰份！
睇個款，佢灰灰銀銀，重量唔夠100g，的確有幾分似Nokia某隻推蓋型號，但功能上JAMA查實係一部具備Windows5.0系統、CPU行ARM920TSC32442X，並具備手寫分唇嘅PDAPhone，同一直扮PDA手機嘅大陸「A貨」相比，根本冇得鬥！但大家要注意，JAMA真身只係一部歐洲英文機，唔支援中文手寫及顯示，不過俾水貨佬執過後，就多咗款簡體中文版，仲支援埋繁中手寫㖭！
囍（23915552）
