謝天華和陳茵媺前晚拍攝無綫劇集《學警狙擊》，其間陳茵媺不斷食螺絲，每個動作和對白也要NG多次，結果短短一場戲要花上一小時拍攝，雖然謝天華有點不耐煩，但仍出面維護她，認為陳茵媺只是表現得太激動，致發音不準，才會頻頻NG。
謝天華和陳茵媺前晚在中環蘭桂坊拍攝無綫新劇《學警狙擊》，劇情講述飾演女警的陳茵媺在街上巧遇攬女夜遊的黑幫大佬謝天華，陳、謝雖有過一段情，但當時她懷疑謝天華藏毒而向他搜身，豈料卻搜出避孕套，令她甚不高興，此時謝天華卻出言調戲，陳茵媺不甘受辱，遂摑他一巴。不過，由於陳茵媺不停NG，每個鏡頭也NG了7、8次，最後足足拍了個多小時，令一眾對手相當無奈。
由於陳茵媺演技未到家，故演得甚為吃力兼滿頭大汗，其中一幕講述陳茵媺以擒拿手捉着謝天華，但由於她力度不夠，多次NG，導演也忍不住出聲要求她用力。
「新人算係咁」
拍搜身戲時，她在謝天華身上拍打多次，令謝天華有點不耐煩，不過仍細心教導她說：「你喺我身上拍三下就得，唔使拍咁多下。」之後拍掌摑戲又因太細力而要重拍。
事後問謝天華被連累NG一事，他說：「佢（陳茵媺）因為要好激動咁講對白，佢啲廣東話又唔係咁好，一時激動影響，搞到發音唔準，而且又有啲現場環境因素，有啲途人圍觀又用閃燈影相，搞到要NG。至於佢摑我嗰場戲，因為佢驚打親我，所以咪細細力，不過我教佢要用真力打，佢都好快上手，佢可能冇乜演出經驗，新人嚟講算係咁，畀啲機會佢啦。」
採訪、攝影：娛樂突發組
