佘詩曼、楊恭如和李彩華昨日以愛心大使身份，到佐敦出席「燃點希望．愛心義賣」籌款活動。最近有報道指佘詩曼送車及樓給吳卓羲，她昨說：「冇咁嘅事，我同吳卓羲只係朋友兼同事，冇必要為呢件事聯絡。」談到二人的關係，她說：「佢係咪我杯茶？我飲水喎。我覺得男朋友嘅年紀唔係問題，不過我𠵱家冇諗住拍拖，淨係想專心工作，搵多啲錢。」今日是阿佘的生日，阿佘坦言5月份不值得慶祝，她說：「我今年嘅願望係希望四川嘅災民可以早日重建家園，將來仲有好長嘅路要行。」
無綫藝員分赴災區
此外，無綫本月17日籌辦的節目《眾志成城抗震救災》共籌得2.2億，早前藝人在街頭募捐籌得約160萬善款，日前已把支票移交政府，無綫同步在海外播映有關節目，也籌得5,400萬善款。無綫外事部副總監曾醒明表示今日會派出陳芷菁及林保怡等隨「演藝界512關愛行動」出發到四川，他昨在電話說：「佢哋探訪完留低參加四川電視台喺周五搞嘅晚會，胡杏兒、伍詠薇、丘凱敏同馬國明就會喺周六（31日）去深圳參加《抗震救災慈善晚會》，至於下月一日喺香港嘅大滙演，公司會派出約20多名港姐同藝人參與，屆時中午同晚上都會直播。」
採訪：何慧斯
攝影：仇志德