鄭欣宜昨日與胡楓以嘉賓身份，出席海洋公園新餐廳開幕禮，還合演趣劇，欣宜表現緊張，她說：「我前一日已經攞咗劇本去睇，但係我唔識睇中文，而且啲字又好難明，就算有『貓紙』都冇用。」
慚愧唔識中文
欣宜表示計劃學中文，她說：「我以前遇過一個外籍男士嘅中文好過我，仲要教番我轉頭，當時我真係好𤓓，身為中國人都唔識睇中文，講得又唔順，所以我𠵱家打算學中文，雖然我知道係遲咗少少，不過我會畀心機學。」
欣宜坦言受負面報道影響，故立下決心工作，她說：「我唔想啲人以為我唔使做嘢，淨係用晒媽咪啲錢，其實樣樣嘢一開始，父母都想幫自己嘅小朋友，但最終小朋友都會靠自己，所以我會自力更生。」
採訪：何慧斯
攝影：陳順禎