黃家強（左）前晚到中環出席「別了家駒十五載：舊日的足跡座談會」，今次係有關家駒座談會嘅最後一場，之後家強會全力搞下月10號舉行嘅紀念家駒音樂會。家強話：「希望喺音樂會前出到家駒張碟，裏面收錄咗一啲未曝過光嘅歌。」至於音樂會會唔會加場？佢就話唔會。之前家強整傷隻眼，最近又翻發，佢希望音樂會前可以好番，咁就可以全力演出。