湯盈盈今年初被一名男子當街掌摑，幸獲男助手Kevin奮不顧身護花擒賊，事後兩人感情昇華。
昨日凌晨2時，盈盈便約Kevin到北角翠河餐廳消夜傾心事，現場見她邊食邊傾，但神色𤷪𤺧似吐苦水，反而Kevin不飲不食，全程聽多過講，更負責埋單畀錢，其後湯盈盈則充任柴可夫，駕駛平治載他離開。
其實盈盈與Kevin消夜前，她已獲Kevin陪同去將軍澳錄影TVB8節目《娛樂金剛圈》，有份錄影的馬國明在化妝間紮馬抱起盈盈和李思欣合照，又爆她在湖南參演《舞動奇跡2》時酒後亂性，他說：「佢成日飲完酒撩人玩，唔肯返房，我加埋洪天明、鄭嘉穎至夾硬推到佢出𨋢，佢癲㗎，危險人物。」
採訪、攝影：娛樂突發組、王連連