林敏驄和曾志偉的腦袋同樣轉數高，二人會在7月合作搞talk騷，發放笑彈。他們日前扮鬼扮馬拍攝海報，阿驄更姣上身扮埃及法老王太太「發老姣」，挺胸凸腩的他造型爆笑，更情挑扮法老王的志偉。
林敏驄和曾志偉將於7月15日至22日在九龍灣國際展貿中心StarHall，舉行「林敏驄X曾志偉棟溝笑2008」，今日公開售票，日前兩人更拍攝搞笑造型海報。
露出腰間腩肉
今次林敏驄和曾志偉開騷，籌備工作已進行得如火如荼，他們為了度橋冧觀眾，更不眠不休開會，阿驄在拍攝海報前一晚，竟夢到埃及法老王，於是他即構思安排志偉扮法老王，而他則反串扮法老王太太「發老姣」。阿驄果然姣上身，不時伸手挑逗志偉，造型令人忍俊不禁。
阿驄認為法老王是一個很有氣派的人，至於由他扮演的發老姣，當然也要盡顯姣功，換上傳統的埃及裝後，卻露出腰間的豬腩肉，阿驄昨日在電話中說：「我專登㗎，因為埃及啲女人係咁嘅。」問到他對自己的造型有甚麼意見？阿驄說：「我嫌個胸唔夠大。」他很後悔沒有臨時在胸部塞兩個橙，以增加波濤洶湧的效果。
請曾蔭權睇騷
為了炮製笑彈，讓入場的觀眾笑破肚皮，阿驄說：「我哋呢排度緊橋，當中會有好多娛樂話題，會爆料同爆人哋嘅私生子，好多老友記，好似側田、李克勤、吳君如同Eason（陳奕迅）都話嚟捧場。唔單止佢哋，我仲發咗e-mail邀請曾蔭權、麥當娜（Madonna）同米高積遜（MichaelJackson）嚟睇騷，到時我哋會搞個《乳雲飯局》，會訪問嘉賓好多尖銳問題，剖析佢哋嘅內心世界。」
採訪：比華利
