前晚的泳衣騷召集了各方靚女，連歌手黃伊汶（Emme）及吳日言都加入大軍，當眾女大晒比堅尼時，一向形象性感的Emme卻以背心短裙的密實look示人，略嫌失色，她說：「bikini留番畀專業模特兒，自己件泳衣已經打咗底，着咗tubetop，好貼身唔會走光。」
吳日言打三底
已沒出唱片的吳日言也是首次行泳衣騷，美好身材盡現，她說：「我已經打咗三重底，上圍貼咗乳貼，加咗墊，原來好多模特兒下身都會着T-back打底，今次唔記得帶。呢兩星期已經控制食量，嚟到先知模特兒行騷前只係食一條蕉。」問她是否喜歡穿比堅尼，她說：「成兩、三年冇游水，試過同前男友一齊買泳衣，佢覺得件泳衣太性感而黑面。」