【邁亞密直擊】12位候選港姐目前正在美國邁亞密拍攝外景，前日一眾佳麗穿上比堅尼打沙灘排球，身材表露無遺，禾稈冚珍珠的11號馬賽主動請纓上陣，雙臂夾胸展示豐滿身材，但曾被傳隆胸的8號姚婷芝卻突然縮胸，身材變幻莫測，不過雙峯激凸的4號高海寧仍然令人熱血沸騰。
無綫安排今屆12位候選佳麗到美國邁亞密拍攝外景，前日眾佳麗首次穿上泳衣在CrandonBeach拍攝，大會安排四位佳麗打沙灘排球，自動請纓的有5號梁倩汶、7號梁雅琳、10號史宛殷及11號馬賽，參與拍攝的嘉賓還有蘇志威及陳偉霆。之前一直身材平平的馬賽，原來人仔細細但禾稈冚珍珠，穿上比堅尼後展露的豐滿身材令人吃驚，她又識做地不時雙臂夾胸，交足功課。
忽然變大
馬賽：好滿意自己
現場所見，梁雅琳打排球時有板有眼，表現不俗，史宛殷則不幸中了兩次波餅。事後記者指馬賽身材突變犀利時，她說：「唔犀利，打排球我當玩吓，個個佳麗都咁平均，我好滿意自己嘅身材，不過如果生高啲，口才聰明啲就更好。」她說罷又自嘲九唔搭八。
同時拍攝其他活動的佳麗中，則以4號高海寧的身材最突出，當她拍攝單人相時，其他佳麗紛紛投以艷羨目光，不過高海寧的泳褲不太稱身，令其下體位置現形，2號倫紫玄也出現相同情況。
高海寧說：「着泳衣有啲尷尬，擔心走光，所以行到好似機械人咁，我做足防走光措施，條褲攝埋因為質地問題，我知有啲移位，已經慢慢行啦！」記者問擁有驕人上圍的她可會覺得較佔優時，她說：「之前我有keepfit，唔一定豐滿先靚，平均會好啲，其實個個女仔都好靚，佢哋冇妒忌我，大家各有優點，互相欣賞。」
3號張舒雅雖然身材平均，但臀部有嚴重橙皮紋，記者問她可會覺得因上圍未見突出而輸蝕？她說：「唔會，個個都咁好。」
再問張舒雅以前是否肥妹仔一名，故現時橙皮紋嚴重時，她卻說：「唔係，只係我個人扯高咗啫！」其後拍攝合照時，張舒雅大動作起踭撞及1號文柏姿的胸部，但她卻沒有即時收手，反而望着對方的胸部偷笑。
忽然縮小
姚婷芝：冇加胸墊
8號姚婷芝曾被傳隆胸，前日她穿上泳衣卻突然上圍縮水，她說：「呢個係我真正嘅身材，以前因為做模特兒拍廣告，個客有要求先會有特別效果，今次件泳衣唔可以加胸墊。」12號黃潔婷穿上泳衣則暴露了凸肚腩缺點，拍攝期間她一直努力縮肚，其後忽然下起大雨，她一時鬆懈令肚腩完全現形，事後她說：「因為我月事到有啲肚脹，唔係咁方便，不過就快完，拍水上活動都OK嘅！」可能因拍攝期間曾淋雨濕身，事後梁倩汶和馬賽均感身體不適。
採訪：卓寶花 攝影：陳偉權
各位讀者如果認識十二位入圍港姐，知道她們的底細，歡迎電郵mailto:[email protected]報料。
