鍾嘉欣噚日接受商台電話訪問，講到拍劇集《法證先鋒II》，演技好似進步咗，嘉欣話：「拍第一集嘅時候真係一個小朋友，好多嘢都唔識，第二集又拍番林文龍，同佢拍最好，唔使擔心有緋聞，佢仲會教我好多嘢。」佢最近把聲好似有啲唔同，嘉欣話：「係呀，我拜師學緊唱歌，以前講嘢高8度，𠵱家識得點用聲，所以唔同咗好多。」