Net人日前收到一封轉寄電郵，名為「經典女友對白」，相信男士最有感受。
男：今晚你想食乜嘢？
女：是但啦！你話事
男：食壽司好唔好？
女：天寒地凍仲食啲凍冰冰嘢……
男：咁去打邊爐啦，天氣咁凍，打邊爐就最正
女：我前兩日先打過，成日打好熱氣……
男：咁去食泰國嘢、韓國燒烤或台灣嘢好唔好？
女：都話咗熱氣啦，又多油，仲要我食呢啲嘢，有冇心聽我講㗎……
男：去cafe好唔好？SETDINNER都幾好食（開始有啲無奈）
女：cafe好多人，唔想排隊
男：咁去「鋸扒」好唔好？？（有啲火）
女：唔想食咁多肉，好肥㗎……
男：冇人叫你食晒件「扒」，你叫碟意粉或者其他嘢都得㗎
女：咁咪即係叫我睇住你「鋸扒」，我唔食你都唔准食……
男：咁去食粥啦（已經開始「發晦氣」）
女：天氣咁凍，食粥唔飽肚（撒嬌狀）
男：咁不如你話事啦，我唔想諗啦……
女：我就係諗唔到食乜先叫你話事，你畀啲主見得唔得（發脾氣）
男：唔係話熱氣就話肥，我真係諗唔到仲有乜可以食（爆發了）
女：咁係熱氣、係肥吖嘛……我有講錯咩，自己諗唔到就亂發人脾氣（惡人先告狀）……
各位讀者，看到這裏，有否覺得似曾相識？！