「扒女」李依琳美國放暑假回港，即行泳衣騷搵銀，擁34C上圍的她個子雖小，但面對「長腳蟹」呂慧儀及有長腿姐姐之稱的陳敏之，仍引來不少「龍友」歡呼拍照。身材贏盡全場的她表示平時會以游泳健胸，還要多得母親遺傳好身段。
李依琳（Elaine）前晚率領港姐呂慧儀、陳敏之、吳日言及模特兒CaraG.等於沙田新城市廣場行泳衣騷，吸引大批業餘「龍友」拍照及市民圍觀，現場春色無邊。剛由美國修讀電影課程放暑假回港的Elaine，把握時間工作賺外快，擁有34C上圍的她與眾多身材美好的靚女同場絕不輸蝕，贏盡全場歡呼聲。
畢業後盼執導
Elaine完騷後即穿起短袖外套接受訪問，談到她是全場身材最好的一個，她只說：「怕醜。」問到其健胸心得，她說：「會游水keep，不過唔係成日游，同埋多得媽咪（邵氏女星林珍奇）遺傳嘅好身材。」Elaine更大談近況：「年尾畢業，之前交咗一段短片功課，我係288份作品中入咗bestsix，好開心，畢業後都想做導演，唔會做幕前，我好想同《無間道》編劇合作。」
問到Elaine的感情狀況，她笑言再度失戀，她說：「之前2月已經分咗手，因為男朋友好自私，唔鍾意我成日同屋企人一齊，自己好錫屋企人，以媽咪行先。」
呂慧儀冇生疏
此外，呂慧儀行騷時，場內觀眾不時叫她「長腳蟹」的花名，她說：「入行以來第一次行泳衣騷，同埋今日好開心，可以見番以前做model時嘅朋友。」問到她對自己的身材有何評價，她笑說：「唔覺自己身材好，陳敏之對腳好瘦，自己對腳好肥，不過雖然好耐冇行騷，好彩都冇生疏。」
採訪：JessicaNgan
攝影：ChanChiLam