日本人氣樂隊L'Arc~en~Ciel前晚首度假亞洲博覽館，舉行「TOUR2008L'7~TransASIAviaPARIS~」巡迴演唱會海外最後一站。眾成員全晚竟然只講廣東話大冧fans，隊長tetsu拿着香蕉問台下fans「食唔食我隻蕉」，而主音hyde更不斷以廣東話大叫「跳呀」，令全場逾萬樂迷融為一體。
苦等多年，香港的日本樂迷前晚終於等到L'Arc~en~Ciel在港舉行的首次演唱會，全場逾萬座位幾近爆滿。演唱會在8時半正式開始，四子在樂迷一片震耳欲聾的呼喊聲中出場，主音hyde一口氣演唱了《Getoutfromtheshell》、《driverhigh》及《killingyou》三首節奏強勁的歌曲打頭陣，瞬間令全場fans陷入瘋狂狀態。
不停叫Fans「跳呀」
唱完三首歌後，hyde實踐在記者會上承諾，大晒苦練的廣東話問候fans說：「你好嗎？我哋係L'Arc~en~Ciel，要你哋等咗好耐啦！中國發生咗地震，但係希望你哋今日開心啲。有冇問題？冇問題？」台下fans即大叫「冇問題」及日文「daijoubu」回應。
身穿宮廷喱士長衣的hyde，全晚以充滿爆發力的歌聲，時而深情、時而狂野演唱了《花葬》、《HONEY》、《敍情詩》等20首新舊作品，又不時向fans大派飛吻。每當見到歌迷表現較斯文時，即不斷以廣東話大叫「跳呀」，當hyde演唱到《Link》時更忘形衝下台。之後四子又輪流solo及合唱《stayaway》，令fans興奮莫名。
食螺絲掉貓紙
結他手ken則以廣東話大談大前日抵港後品嚐過的美食，他說：「記者會之後去咗食飯，食咗雞同魚，但係雞同魚睥住我，不過真係好好食。」此時螢光幕即出現了一碟雞頭與魚頭的相片。可惜ken講了一會便食螺絲，他即作狀發脾氣將貓紙丟掉，十分搞笑。hyde則表示來港吃過皮蛋，但以後也不會再吃。隊長兼低音結他手tetsu，則在台上忽然拿出香蕉掟下台，並說：「你食唔食我隻蕉？」大搞氣氛，場內來自本地、內地、日本、泰國及菲律賓的fans均興奮落淚。
結束香港之行後，四子將於本月31日移師到東京及大阪演唱，之後便暫停以樂隊名義演出，專心個人發展，至2011年再合體與樂迷見面。
採訪：梁美玲
關智斌 影唔到相失望
L'Arc~en~Ciel前晚在亞洲國際博覽館開騷，吸引了鍾舒曼及其胞妹到場外，還有關智斌、謝文雅及丘亞葵等，關智斌原本想帶相機入場拍下樂隊在台上演出的照片作為紀念，可是場內保安甚嚴，未能一償心願，令他頗為失望。
樂隊首次到香港開騷，除吸引到本地fans外，更有來自東南亞的fans來港捧場，不少樂迷以日系潮look或一身黑衣打扮撐場，也有戴上爆炸頭假髮扮鬼扮馬支持偶像，非常搶鏡。
採訪、攝影：胡苑君
