金利來（533）上個禮拜五開股東會，全港最年長聖火火炬手曾憲梓傳送火炬時，雖然坐住輪椅，但高叫「祖國萬歲」，異常亢奮，點知，金利來股東會一完，曾憲梓就由左右護法夾實鬆人，片言隻字都冇留低，傳聖火當日嘅亢奮，不再復見！
金利來捐衫賑災
主席走咗，留番副主席兼行政總裁、即係佢位公子曾智明喺度。曾智明同華華講，地震之後，第一時間就call內地嘅代理商，問吓佢哋有冇事，皆因佢哋都有唔少銷售點喺四川，𠵱家知道有兩個四川員工屋企塌咗，班同事即刻籌咗近萬蚊畀佢哋應急。
曾智明又話，集團大約捐咗220萬人仔，除咗錢，仲額外捐咗價值500萬人仔嘅衫去災區，希望幫到災民。