一講停牌，肯定車主苦瓜亁面口，之但係日本就有一班人笑住口停牌，皆因停牌後有大把着數等住攞！日本政府為咗減少老人駕駛者因為機能衰退、反應遲緩而導致交通意外，所以聯合多間機構推出呢個「老人自願停牌」計劃。凡係65歲以上老人，只要自願停牌，就可以憑政府發出嘅「駕駛履歷證件」，到各參與計劃嘅商店享受超過30項優惠，包括三越百貨購物免費送貨服務、指定餐廳九折優惠，而最正嘅係到指定銀行做定期存款可以額外多0.1%利息，簡直同派錢無分別。
但唔知呢個計劃推出之後，會唔會掉番轉令更多接近65歲而又未有車牌嘅人走去考牌，等第日有「牌」去「停」、攞番張優惠卡呢？
文：周達之