同陽光玩遊戲 富士十面埋伏

同陽光玩遊戲 富士十面埋伏

炎炎夏日,好多人都鍾意拎部相機周圍影。不過猛烈陽光除咗令人流汗外,對數碼相機來講,亦係一個嚴厲挑戰!事關無論拍攝、測光到LCD顯示效果都會受到影響。今日我哋就找來巿面五部千萬像素的數碼相機作代表,喺太陽底下逐一比拼,睇睇佢哋能否過關!

記者:許福合
攝影:王文忠
Model:Suki

人臉對焦:富士多且快

人臉對焦對卡片型DC來講,已經係必備功能,今次現身五部DC都具備不同級數人臉對焦功能。其中以SONYT300及富士Z20fd比較全面,T300具備微笑快門功能,可自動偵測笑臉拍攝,而富士Z20fd就更可以多達10張臉孔對焦。實際試用過後,以富士Z20fd人臉對焦速度最快,其次係SONYT300速度亦不俗。

BenQE1000

需要從Menu內開啓人臉對焦,使用上較為不便。

富士Z20fd

基本上畫面出現人臉,就立即見到對焦框,速度好快。

Olympusμ1030SW

對焦速度一般,不算突出。

PentaxS12

側臉亦有機會對焦成功。

SONYT300

對焦速度不俗,用家還可用手指篤芒來選對焦點。

陽光下睇芒:Pentax效果正

數碼相機在陽光下一向係大挑戰,屏幕質素好壞立即現形。測試當日太陽高掛且非常猛烈,經肉眼實測,以PentaxS12效果最好,無阻拍攝;其次係SONYT300令人意外,估唔到採用輕觸式屏幕,日光下都有良好效果。要留意係其實五部相機在陽光下畫面都有變弱情況,將屏幕設定調到最光會有一定幫助。

■SONYT300採用輕觸式屏幕,陽光下更要睇得清楚。

BenQE1000

相對畫面變得很弱,影響拍攝。

富士Z20fd

畫面同樣弱,較難觀看。

Olympusμ1030SW

基本上畫面係睇唔到。

PentaxS12

現場肉眼觀察,效果最好,可以正常拍攝。

SONYT300

輕觸式屏幕都有這個效果,真係要改觀。

曝光效果

在陽光下拍攝,好多時會出現背景太光,人物太暗嘅情況,甚至會有大背光情形,這時正好考驗相機曝光系統。以下測試相片都是選用點測光對焦,在閃燈關閉情況下拍攝。

SONYT300

毫無疑問,T300相片最為理想,人像與背景相當夾。

BenQE1000

人像略為偏暗。

富士Z20fd

比較之下算理想,膚色亦算正常。

Olympusμ1030SW

人像膚色偏黑,需要閃燈輔助。

PentaxS12

背景有輕微過度曝光情況。

變焦能力

叫得做卡片機,當然唔會見到有支大炮鏡頭,所以論變焦能力亦只有標準,甚至係基本。今日測試五部相機中亦分別有3至5倍光變,除了Olympusμ1030SW有28mm廣角鏡及SONYT300有5倍變焦外,其餘三部分別不大。

■富士Z20fd有五種顏色揀,襯衫一流。

SONYT300

5倍光學再加上16:9屏幕,效果特別近。

BenQE1000

3倍光學變焦,標準規格。

富士Z20fd

同樣係標準3倍光學變焦。

Olympusμ1030SW

光學變焦為3.6倍,而且有28mm廣角。

PentaxS12

3倍光學變焦,與E1000及Z20fd效果接近。

千萬像素DC比拼

今次出戰的五部千萬像素數碼相機,有BenQE1000、富士Z20fd、Olympusμ1030SW、PentaxS12及SONYT300,各有不同特色如T300具備輕觸式屏幕,μ1030SW能夠抵受10米水深等。試拍時相片全由《蘋果》副刊攝影師操刀,而相機設定則以簡單及基本為主。

BenQE1000

富士Z20fd

Olympusμ1030SW

PentaxS12

SONYT300

《蘋果》副刊
攝影師王文忠