上個禮拜港股好反覆，主要係美股表現好曳，油價居高不下，美股短線好難有運行，會繼續拖累港股。
港股雖然各方面都比美股好，但係成交不足，氣氛偏淡，股民入市興趣不大，上周五美股再跌145點，今日恒指低開在所難免，但係低位應該有支持。
遲遲未落實嘅電訊業重組，上周五終於公佈落實，六合三之後會發放三個3G牌，而且會逐步擴大電訊企業收費自主權。幾隻涉及重組股份在上周五早市停牌，復牌之後應該會繼續炒上，而電訊設備股當炒，可以留意中通信（552）嘅C輪。
中通信C輪5795：中通信上周五收6.77元，大成交升破100日線，短線睇8元，可以買啲5795短炒，5795上周五收1.5元，槓桿率4.5倍（有效3.2倍）。
正股升上8元，5795可見2.4元。正股跌穿6.3元就沽咗隻輪止蝕。