顏穎思（Rachel）因淫照風暴銷聲匿迹，原來其胞姊Regine也運滯受情傷。年前Regine與劉愷威拍拖，但前晚劉愷威卻拖新歡遊銅鑼灣選購父親節禮物，事後他直認與顏穎思胞姐的戀情已玩完，現與新女友感情穩定，更大讚她為人乖巧。
淫照風暴疑似女主角之一的顏穎思受陳冠希牽連而芳蹤杳然，及至本月中才先後現身中環及台北街頭，但其實她的胞姊Regine也感情受創，與劉丹之子劉愷威的戀情告一段落。前晚劉愷威偕貌似性感女星孟瑤的長髮新歡，煙韌同遊銅鑼灣shopping。
劉愷威前年拍竣亞視劇集《義無反顧》後轉戰內地拍劇，前晚7時卻與新女友Jaymee現身時代廣場的LACOSTE專門店選購男裝T恤，只見他到收銀處付款時，女友即如小鳥依人般俯伏在他肩膊上，又攬他腰肢，更從他斜孭袋裏取出糖果餵男友吃，非常sweet，冧得劉愷威笑容滿面。
「費事咁揚啦」
其後二人拖手步離店舖，記者趨前拍照時，Jaymee嬌羞低頭，劉愷威則笑說：「唔好用閃燈，前日先俾人影完，費事咁揚啦。」昨日記者致電劉愷威，他在電話中直認已跟顏穎思胞姐Regine甩拖，他說：「都好耐啦，嗰時係交往緊，但未係好穩定，我哋喺和平氣氛下分開，間唔中有SMS聯絡。」問他有否慰問Rachel？他則說：「當時（淫照風暴）我都唔喺香港，喺大陸拍嘢，局外人唔好畀意見啦。」
已經見家長
33歲的劉愷威與Jaymee發展穩定，他稱前日二人一起揀選衣服，作為送贈其父劉丹的父親節禮物，他笑道：「爹哋有見過佢，呢個女朋友仔好乖，佢好鍾意，但𠵱家事業為重未諗結婚。」問劉愷威會否與女友拍攝親熱照？他卻笑說：「唔知呢，嗰刻好忙，邊有時間影相？」接着他又補充說：「Kiss相就唔介意畀大家睇，唔好過火就得啦。」
採訪、攝影：娛樂突發組
