湯盈盈昨日為無綫劇集《師奶股神》宣傳時，在黑色三點式外套上白色T恤，濕身後泳衣若隱若現，性感養眼。反觀梁靖琪跟謝天華同坐吹氣艇時，瞓身玩遊戲大送波餅時卻被男方嫌棄，不過衣着密實的滕麗名慘遭拋下水，更是可憐。
經過一連三日的悼念地震死難者後，無綫昨日安排新劇《師奶股神》在佐敦一酒店泳池進行宣傳活動，眾演員不敢怠慢，全都穿上泳衣打底，濕身落水催谷新劇。
「似俾人襲擊咁」
謝天華與梁靖琪（Toby）坐吹氣艇玩遊戲時就享盡艷福，後座Toby不時送上「波餅」，天華笑說：「我冇食過喎，我覺得唔係幾好受至真，好似俾人襲擊咁。」至於而慘遭「毒手」被監製林志華拋下水的滕麗名則笑說：「我已經搵地方匿埋，點知都出事，不過我一早預咗俾人玩，所以着咗泳衣打晒底。」
湯盈盈自爆最難忘劇中一場被曾偉權胸襲的場面，曾偉權更笑言入行以來第一次有興奮的感覺，至今仍回味無窮，更會錄低留念。
胸圍打孖上拍攝
事後盈盈說：「本來我諗住叫助手做替身，不過導演話想呢場戲逼真啲，加上我本身同曾偉權好熟，所以我咪索性戴兩個bra，叫佢放膽去做，雖然睇落好似摸到，但係事實上係冇乜感覺。」盈盈笑言曾偉權當時面紅紅，最後她要講笑話緩和氣氛，她說：「俾着我都會啦，但係唔知佢係咪畀咗錢，所以最後都要NG兩次呀！」講到盈盈一身裝束性感誘惑，她笑說：「我着咗衫㗎，不過我冇check過會唔會走光，反正件泳衣着咗好多次，應該冇問題，最緊要睇落唔係好肥，我都好滿意。」
採訪：何慧斯 攝影：陳俊強