歐國盃與世界盃同是四年一度，但對畢傑來說，兩者意義相距甚遠。作為球迷，當然想親眼目睹愛隊捧盃，如藍鑽石擁戴意大利，吾中鍾情荷蘭，青蛙仔心繫德國等。不過，我就只會在世界盃時有感覺，因我只愛巴西。感覺嘅嘢冇得呃，這亦關乎投唔投入看球賽的問題。
畢傑在香港土生土長，本來很自然會愛上英格蘭，因年輕時看到不少英甲直播或精華（英超聯前身）。然而不喜歡就是不喜歡，我深明今屆歐國盃缺少英格蘭參與，肯定大量球迷感到失望，惟「失望」二字不會在我身上出現。
有謂「退而求其次」，沒有巴西的大賽，我會選擇支持歐洲隊中最喜愛的西班牙，這絕對與寫開西甲有關。畢竟，與朋友鬥鬥咀、拗拗頸、各自為所支持球隊嘈吵一番，睇波過程會更加過癮。
畢傑入行近3年，以前在家中看歐國盃與世界盃，純粹以球迷及娛樂角度；現在不同了，自加入《蘋果》後，06年世界盃已在工作中度過，08歐國盃亦一樣。不同的是，以前睇波是觀眾，現在則是觀眾+職業所需+專業分析+賽後檢討……兩者態度完全否極。唯一肯定的是，當時尚在讀書的我，萬萬想不到自己會從事寫稿工作。
文：畢傑
捧廸高？定廸比亞路好呢？最後我揀有韋拿的西班牙，情意結冇計。