近年歐洲列強重視聯賽及歐洲賽，對「盃仔」嗤之以鼻；有的因兵力不足而分心不暇，令今季歐洲各國主要盃賽決賽出現多個「騎呢組合」。國際米蘭鬥羅馬，是鮮有由聯賽冠軍對亞軍的巔峯對決。
今季多場「騎呢」決賽的出現，要多得一眾「墮落豪門」在盃賽發圍。以今季華倫西亞、巴黎聖日耳門及多蒙特為例，這些本身班底不俗的歐洲賽常客在聯賽成績一落千丈，惟有靠盃賽「翻身」，令今季個別盃賽決賽大部份都有聯賽排名較低，甚至護級的球隊角逐。
「盃仔」決賽多騎呢隊
不過要數今季盃賽最「騎呢」決賽，英足盃由樸茨茅夫對卡廸夫城當之無愧。與去年車路士對曼聯的「夢幻決賽」相比，今年英足盃決賽的戲碼可謂非常失色；而列強在晉級過程中排出弱陣而紛紛下馬，足以反映他們對盃賽的重視程度不強，令弱旅有機可乘。
至於今屆意盃再由國際米蘭鬥羅馬，主要是晉級過程採用兩回合制，減少弱旅在一場過爆冷的機會，而羅馬於地頭出擊向來有保證，殺入決賽亦是正常不過。國際米蘭早於歐聯出局，加上聯賽曾一度拋離，重奪意盃成為最大目標，促成與羅馬在意大利盃決戰，成較為「正常」的決賽戲碼。
文：藍血人