一部用咗6年嘅手提電話，畢傑最近終於棄用，買咗部嗰啲用筆或手指篤篤嘅新手機，韓國牌子嗰隻。識得我耐嘅朋友都知，我係一個電子新科技嘅白癡，對住部新手機有咁多功能，真係用多陣都火滾，我係嗰啲只需要打入打出嘅鄉下仔，唔通後悔？
上個禮拜老死關卡由澳洲返咗嚟，約咗我同肥仔、雞爺飲茶敍吓舊，佢話嚟緊9月會喺澳洲結婚，問我到唔到。畢傑之前講過有唔少朋友，但以兄弟相稱嘅一隻手都數得晒，關卡既然係名單一分子，我點會唔到。不過教書嘅肥仔啱啱9月要開學，我惟有單拖去囉。到時歐國盃、奧運完咗，請假應該冇問題嘅。
牽牛同阿呢斯奧話我淨係識連拿度奧古士圖，但佢隊波法林明高真係幫到手喎。
主客和：法林明高勝
心得：奧古士圖真係勁㗎
近5場往績：贏輸輸贏輸
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。