小生爭寵唔止係TVB專利，喺台灣都一樣。台灣偶像鄭元暢（右二）同彭于晏等噚日喺台灣出席華視新戲《蜂蜜幸運草》首映會時，被問到對收視有何期望？鄭元暢話收視點都唔會丟臉，但就踩咗周渝民（仔仔）一腳，佢話：「至少比《這裡發現愛》好吧！」呢套劇咪就係由仔仔主演囉。其實之前都有傳呢兩位小生有心病，只係諗唔到鄭元暢講到出面啫。