有朋友早兩日同車報員講，話喺九龍灣工廠區一帶見到部好圓好Cute嘅黃色可愛小車，但問部車係咩牌子，佢大哥又話部車行得好快睇唔清楚。搞到我呢兩日晚晚茶飯不思，就算冲凉瞓覺都喺度諗呢部可愛小車究竟係咩車。正當我諗到頭髮都甩之際，昨日行過九龍灣AlfaRomeoCentre，一部黃色可愛小車突然喺眼前出現，原來就係班Fans等咗好耐嘅Fiat500。Fiat500之前曾經有水貨商引入，同事Dennis仲特登走咗去搶先睇真呢部至潮小車，仲話畀我聽部車點好玩點正，聽到我口水都流晒，今日親眼見到，真係開心……
嗱，咪話我車報員「知情不報」，如果你都想近距離望吓Fiat500嘅真身，大可今日下晝四點後，去灣仔AlfaRomeo陳列室睇睇，事關代理AutoSportiva會舉行記者會，宣佈佢哋奪得意大利Fiat汽車喺香港嘅代理權，亦正式喺香港推出呢款至潮小車，售價則繼續係$198,000起。
記者、攝影：車報員