林一峰最近親自作曲填詞創作了新歌《紅河村》，內容是講及自己的童年生活，為配合歌曲內容，日前林一峰專程到小時生活的地方包括坪石邨及吐露港一帶拍攝MV，他表示：「我都成十幾年冇返坪石邨，好多地方都唔同咗。」不過當年林一峰經常流連的籃球場則仍保留着，林一峰更趁機和現場小朋友打籃球，幸好球技未有生疏，反而踩單車技術卻不及以前。
避過地震一劫
另外，早前林一峰到成都宣傳，但他在四川地震前一日因香港有工作而提早離開，因此避過一劫，他感到慶幸之餘，亦為死傷者難過，因此日前林一峰在福州和廈門演出時，特設募捐活動，善款將交給紅十字會幫助災民，林一峰說：「我會為地震事件作首歌，遲啲可以喺香港網上下載，希望首歌可以為災民帶嚟溫暖。」
撰文：麥佩儀