候選港姐4號高海寧被封大熱門後是非不斷，日前有人大爆她其實家住旺角舊樓，但為選港姐而搬往何文田親友家暫住。昨日高海寧堅稱一向住何文田，只是家人有寫字樓在旺角而在該區出入，為討清白，她願意帶記者參觀，並說：「報料嗰啲一定唔係我好朋友。」
十二位候選港姐聯同表演嘉賓蘇志威及SunBoy'z成員陳偉霆（William），昨日上午8時許齊集香港機場，準備出發到美國邁亞密及加勒比海拍攝外景。眾佳麗薄施脂粉穿上大會安排運動服出現，引來不少途人圍觀和拍照，當佳麗們聽過大會講解後，便各自活動。
買《爭鳴》夠出位
1號文柏姿、4號高海寧、6號陳倩揚和11號馬賽結伴到書店買雜誌，引來大批記者追訪，其間她們分別選購了本地和日本的時裝雜誌，獨是馬賽買了政治雜誌《爭鳴》，似在凸顯自己品味零舍不同。
高海寧日前被爆其實家住旺角舊樓，但為參選港姐而搬往親友何文田寓所暫住，對此高海寧否認說：「邊有咁多親戚住咁嘅地方，我不嬲住何文田，從來冇住旺角唐樓，屋企人有office喺旺角，所以間唔中喺旺角出入，得閒帶你哋參觀吓（指寫字樓）！」
背心熱褲平常
高海寧不時被人爆料，問可覺得是得罪人所致？她說：「報料嗰啲一定唔係我好朋友同相熟嘅同學，因為報啲料只係部份啱，可能係隔籬班同學。」至於曾於新法書院讀書一事，高海寧表示當年因搬屋而曾於新法就讀中七。
文柏姿日前又被爆經常穿背心熱褲落街，對此她直認不諱說：「夏天間唔中咁着，但近排冇乜咁打扮啦。」文柏姿又表示母親煲了燕窩給她帶往拍外景，但未知能否過關。問出發前男友有沒有給她打氣時，文柏姿說：「家人同男友都有。」
此外，12號黃潔婷昨見口腫面腫，她解釋說：「要執嘢，最後瞓咗一個鐘，同埋出發前有少少緊張。」
採訪：馬建華、卓寶花 攝影：陳偉權
