過去兩個禮拜，藍鑽石為咗個女先後遊覽「去玩去癲」公園、「做足準備」樂園，除咗好似參加咗潑水節咁，係咁倒水（畀錢）之外，最大感覺係好敬重啲工作人員，尤其係嗰啲日曬雨淋仲要扮小丑、卡通公仔嘅仁兄，咁辛苦為小朋友帶嚟歡笑，在此向佢哋致敬。
講到足球，今晚我就向國米教練文仙尼致敬。個人認為今場極可能係佢最後一次帶國米出賽，以意大利後生教練嚟講，佢算係一個有膽識又夠魅力嘅教練，最重要係佢貴為意大利盃之神，好頭好尾，就跟番頭版頭條撐國米下盤。
讓球：國際米蘭（下）
心得：意國收爐波，會中嘅
近5場往績：贏輸贏輸贏
藍鑽石
忙於為與簡拿華路同日生的囡囡換片、掃風，但睇意甲，一場都不能少。