近年叫好叫座的演唱會加場開Part2,Part3認真不少，但是在紅館開講唱會要開Part2，林海峰（Jan）應該是第一個，「麥當勞ENCOREALWAYSON林海峰是但噏求奇大合唱PARTII」於本月28日至6月1日加開5場，阿Jan希望最受歡迎的環節一如以往是現場發售的精品可以沽清。
林海峰於2月舉行的「是但噏求奇大合唱」掀起撲飛熱，就連他本人都欠下不少飛債，他笑言舉行part2的其中一個目的是要還債。
另外阿Jan最想到場的觀眾可以如上次一樣搶購精品，他說：「上次賣得最快係cap帽，今次我都會有帽賣，另外重有tee、電話繩同袋，同埋今次個公仔係林兔，我估出啲女仔啲嘅精品會受歡迎，我最想今次最受歡迎嘅環節都係賣嘢呢part。」
加場即設計商品
阿Jan表示得知加場後第一步就是構思part2的商品及公仔，他說：「一設計咗所有商品之後就叫人做，做咗就係迫自己快啲去度稿，同埋話畀自己知所有商品做好晒冇得返轉頭，個騷點都要做。」
上一次的講唱會是以一個粉紅色哈哈笑公仔作主題，今次換了一隻粉藍色的林兔，阿Jan解釋選擇粉藍色沒有特別意思，他續說：「如果大家有印象會記得上次有幅畫，我個樣係粉紅色，背景就係一片粉藍色嘅天空，咁上次用咗粉紅色，所以今次就用背景個天嘅粉藍色，成個構思就係咁簡單。」
阿Jan表示由於兩次的開騷日期距離不太近又不太遠，故此內容方面起碼要改一半以上，他說：「我最想今次入場睇嘅觀眾同上次唔同，唔想到時啲人入嚟睇完又話同上次差唔多，如果佢係都要睇多次係佢自己揀嘅，我冇迫佢。我加場都係想有啲上次買唔到飛嘅人嚟睇，內容我都要改好多，因為好多內容都唔再新鮮。」
義演門票明發售
對於以講唱會的形式做騷，阿Jan指觀眾的評價好壞參半，但他只會相信每一場的現場反應，他說：「呢個形式有啲人覺得好好睇，有啲又認為唔係咁好，其實好定唔好，當晚嘅現場反應係最直接嘅。」此外，日前阿Jan宣佈義演一場的講唱會，門票將於明日公開發售。
採訪：李珮洳 攝影：陳慧安
化妝：YenLai
