樂壇新人麥家瑜（Keeva）噚日首次到新城電台接受訪問，佢話心情緊張到手心冒汗，而佢喺加拿大嘅媽咪仲特別喺網上收聽捧場。以往新人資料簡介都以紙張印製，但係佢間公司肯揼本，改以DVD方式印製，用聲畫介紹Keeva畀大家認識。雖然未正式出碟，但Keeva見到資料DVD經已非常開心，仲話要攞多幾隻送畀屋企人留念。