終等到主打英冠聯來到附加賽總決賽，筆者貼士向來讓波友有迹可尋，相信大家都估到我今次心意屬誰。沒錯，就是續捧季尾越戰越勇的侯城在溫布萊球場打敗布里斯托城，趕上英超聯尾班車及預計取得高達6,000萬鎊的收入。（無綫收費電視998台及now898台今日10:00pm直播）
布城點睇唔似超聯相
今季貼附加賽暫時4中3，無法做到如上季般5場全勝，唯一敗績就是栽在布城首戰只能作客打敗水晶宮；不過其後該隊返主場踢次回合一如筆者所料輸波，如非對手賓屈臣完場前射12碼「宴客」，今日決賽將是水晶宮鬥侯城。布仔毫無疑問是今屆英冠聯最驚喜球隊，但個人從不信好運可一再出現（超強如曼聯例外），縱使李爾查度射術精湛，艾廸保拿衝刺力強及麥恩度中場控制比賽得宜；但整體實力一般及球場如旺角場般格局，難令筆者相信他們具有「超聯相」。
侯城炮手多籮籮
這類一場過決賽，不必介懷布仔今屆兩次對賽未嘗受挫侯城，查實最致命可能是侯城擁有比水晶宮更高級數的反擊踢法，只要布仔早段失波，個人估計有機會大敗。
單看侯城上仗大炒屈福特4:1，由韋達斯及班比兩大身經百戰的老鬼聯同曼聯借將費沙甘保攻堅得手後，末段又有卡雷布科蘭及法根入替，尚有丹麥前鋒柏達臣未列陣，炮手奇多，戰術調動靈活，要讓波實在非常合理；以他們中前場人腳之強，料以攻代守更有望聯同西布朗及史篤城，來屆在超聯角逐的有效方法。個人今場會進取博侯城贏3:1及4:1波膽。
配腳取麒麟盃的日本，贏剛在周四看過唔對辦兼僅有一天休息的科特廸瓦，單W有2.3倍好抵博；另外法足盃決賽，里昂質態均勝剛護級成功的聖日耳門，穩做雙料冠軍。
近5場往績：輸輸贏輸贏
蘋果波神
今季唔得，咪下季嚟過囉！