謝霆鋒（右）噚日喺上海為一套動畫《風雲決》進行配音工作，佢會聲演步驚雲一角，平時好鍾意睇動畫嘅霆鋒，佢話呢次工作係好新嘗試。由於電影公司要求用普通話配音，而霆鋒嘅普通話仲未達到標準，所以配音時要花比較長嘅時間，由配音導演一句一句咁指導佢去講，有時配一句對白都要不停反覆重錄。