樂壇新人可嵐（Colleen）練得一身好武功，她8歲開始學習少林功夫，前前後後學了8年，她坦言當初學武是因為自小患有哮喘，學武旨在強身健體，不過越學越喜歡，她更曾經有想過把武術當全職，可是她還是喜歡唱歌多一點，所以轉型唱歌，Colleen說：「因為練武練得多好大隻，自己開始大個女，想女仔啲，不過學武對防狼都有好處，但係自己都想試吓做打女，睇吓可唔可以開多條路。」
7月出處女碟
Colleen的首張專輯將會於7月推出，她會以硬淨、堅強的形象示人，她坦言對於新人的合約問題，事前已給律師過目了解清楚，她說：「自己都覺得OK，其實我都有為自己諗定後路，如果唱歌真係唔適合我，我可以做番廣告嘅工作，雖然我父母當初對我做歌手都好反感，不過佢哋見到我咁堅持，所以𠵱家就好支持我，媽咪仲成日煲湯畀我飲㖭，令我好開心。」
採訪：駱華齡 攝影：陳慧安
髮型：EdmondofPrivatei