歐洲07/08球季經已結束，唔少球會亦推出新波衫迎接球季，好似車路士咁，亦喺歐聯決賽着住件新主場波衫鬥曼聯。其實，新波衫推出之時，正是舊波衫割價求售之日，筆者通常都會吼實睇吓有冇心水波衫大減價入貨，早前就入咗利物浦主場波衫，200元有找，認真抵。當然，仲有車路士同皇馬主場波衫亦係唔使200元。
筆者鍾意收集波衫，所以唔係好介意新定舊，只要款式啱就得，如果讀者係同道中人，不妨到旺角麥花臣球場附近「尋寶」。至於今周推介國米係意盃決賽可以贏羅馬，國米受讓，抵捧。
讓球：國際米蘭（下）
心得：國米可成雙料冠軍
近5場往績：贏贏輸贏贏
戰鬥員A
平手盤捧主隊續係今季宗旨，想避免中鬼盤？留意我阿A啦！