第五屆《勁歌王》頒獎禮後日喺澳門舉行，大會噚日喺澳門舉行記者會，表示會將頒獎禮變成賑災活動，以協助四川大地震嘅災民度過難關。發言人表示會將今次活動所有售出嘅門票收入，捐畀中國文學藝術基金會、中國扶貧基金會同埋澳門紅十字會作為賑災之用。由於今次活動意義重大，所以中、港、台等地嘅歌星都會積極參與，傾力演出。