行過海港城見到BB車carshow，一於跟大肚婆同事一齊八卦，發覺原來揀BB車都大有學問。mothercare店舖經理Zilka認為，選購時要考慮架車是給初生還是三歲BB坐，因初生需平躺式，6個月以上則選坐立式。「重量亦是考慮因素之一，與BB出街或需乘搭交通工具，輕巧及單觸式開關，可讓媽咪邊抱BB邊開關手推車，好方便。」近年亦流行高椅設計，好處是唔怕BB太近地面變成「吸塵機」，媽咪亦毋須彎腰便可看到BB的動靜。Zilka推介來自挪威Stokke的Xplory，座椅可調校不同高度，最多可調高25吋，又可將BB車推向餐枱成為餐桌椅。此外，其避震功能可減輕路面帶來的衝擊及震動，避免BB受「震盪」。
記者：區佩嫦
攝影：伍慶泉
mothercare（27355738）
地址：海港城海運大廈KidX-G51