5　Play：北京直擊次回　浪人派對

5　Play：北京直擊次回　浪人派對

愛X-Game的玩家永遠給我難以捉摸的感覺，人家說他們是浪子，我就索性叫他們做「浪人」。今回北京最後一站NikeBMX「LIGHTINGBOLTS」ArtShow派對，再次體驗這堆浪人特質。出發前，去邊？唔知！有咩睇？唔知！有誰出席？唔知！得來Nike官方答案：「包勁嘅BMXParty」。大概是因為事前乜都唔知，由踏足那刻開始，那份驚喜已教人不計前因，齊齊陶醉眼前震撼一刻。

記者：許維維
攝影：陳陶陶

花式BMX向奧運宣戰

080808可以話係BMX的重要日子，首次成為奧運項目，雖然暫時只得BMXRacing，但能受到重視，總算踏出第一步，的確可喜可賀。NikeBMXTeam專程由美國拉大隊到北京，搵來3位Nike6.0BMXTeam成員作花式表演，似向奧運宣戰，宣示花式BMX同樣矚目，藉此希望花式BMX齊齊成為奧運項目。BMX之父BobHaro：「等了幾十年，終於等到今日，下一個目標當然希望花式BMX都可打入奧運，不過由於計分準則較困難，相信並非下一屆奧運可以實現。」

■整TeamNikeBMX成員包括策劃、設計師、Riders等大合照，都並非「浪人」安排之內，影到實屬難得。左4那位正是有BMX之父稱號的BobHaro，亦係當晚派對的其中一位主角。

■Nike6.0RiderNigelSylvester

■MaximeCharveron即場表演多個高難度動作，現場更有攝錄機即時拍攝，於背後大螢光幕播放。

■開放式派對可以讓在場人士近距離觀看Riders表演，很精采但其實十分危險。

必炒奧運別注BLAZER

若說派對主角係BobHaro，MichaelLau必定有能力平分秋色，因為會場焦點都放於限量版紅黃色BLAZER之上，加埋以中國奧運單車隊為題，一人一車搪膠Figure，順理成章突顯Michael為中國BMX奧運隊設計服飾的身份。Nike一向有贊助日本同美國BMX隊，今屆首次贊助中國奧運隊，Nike希望找一位中國人設計，經過上次DunkSB的合作，今次決定同樣由Michael操刀，為港人再次爭光。發售日期及售價待定，大家必定拭目以待這件必炒之作。

■門口右邊一列ArtPieces展品，第一件就係MichaelLau親手繪畫BMXFigure圖畫。

■NikeBMX「LIGHTINGBOLTS」BLAZER以中國國旗紅黃色設計，鞋側有龍圖騰圖案作點綴，鞋尾有單車頭牌作粉飾。

■這個BMX搪膠Figure，Michael話係佢自己，那隔籬半似單車半似狗的寵物又係邊個呢？

■全套劉米高出品，最誇張莫過於這個超大碼鞋盒，整個以越野BMX泥濘作包裝，更刻意加上幾條單車胎痕，很有心思。

■Michael最滿意的頭牌當然係屬於自己的8號，他更抵死地於牆上寫上自己中文名劉建文3個大字。

BMX藝術展覽

BobHaro的插畫、革命性的產品設計都成功將創意藝術帶入BMX之內，這晚派對的另一目的係展覽20個單車頭牌（NumberPlate），頭牌來自世界各地的Artist。借助ArtWork展現各地文化，道出每位Artist給BMX的Message，作品最後更會作慈善拍賣用途。

■W）taps主腦TET亦係其中一單車頭牌主角，首次來北京，大讚派對氣勢之強前所未見。

■NumberPlatebyMarkLewman

■一到埗，眼見這高70米的粉藍色大圓筒已經夠晒壯觀，原來這圓筒前身係液體化氣罐，感覺更Cool呢！

■轉入GasTank中心，望見派對場地，加埋直進耳蝸的澎湃音樂，忍唔住再叫一聲「Cool」！抱歉！單看圖片同文字都難以表達那震撼氣氛。

■NumberPlatebyBobHaro

■將GasTank天花開半，加上六部大電視及喇叭，浪人製作認真，更成功營造出一點瘋狂的氣氛。