明明月黑風高半夜三更，只要見到有人戴住副超，就一定知佢係明星。究竟明星戴黑超係玩低調防狗仔認出？抑或此地無銀反效果？這是個「雞先定蛋先」嘅問題。但肯定的是，太陽眼鏡不再只是遮擋太陽，更是明星身份象徵。今個月才剛踏足娛樂圈的新人可嵐（Colleen）未係大明星，難保他朝有日紅得起，黑超一定係隨身之物。唔好話人未紅先驕，試戴各位明星前輩的人氣黑超，實習吓俾狗仔隊追星蹤，到時淡定面對鏡頭唔使嚇親嘛！
記者：葉雪芯
攝影：譚盈傑
Hair&Makeup：Sammy
可嵐：黑超有星味
新人可嵐坦言，入行前都有幻想過俾狗仔追蹤的情景：「以前睇報紙見到明星俾記者追訪，戴住黑超，雖然有時衣着平凡又無化妝，但係一副靚黑超可以令到個人好有星味，好有型！」睇來對太陽眼鏡都好有研究咁喎！「我鍾意Ray-Ban，以前都有買，但近呢幾季好似興復古烏蠅大鏡，所以可能我會買番幾副。」但可嵐就話，她現階段未有需要戴黑超出街，「新人俾人認清楚個樣等大家記得仲好！」
DITASammi撐Insider
話DITA係08年黑超大佬一定無錯。Juno鍾意阿嬌鍾意，連天后Sammi都鍾意，睇中DITA名為Insider的太陽眼鏡。Insider鏡框平面方角，很傳統阿爸年代feel！能令一副咁平凡的眼鏡推出一個月即火速賣斷，咁先係真正的明星眼鏡，全靠Sammi的愛「戴」，去慶功戴，出show出埠又戴，全力煲起。聽聞Sammi一次過買了兩副Insider，一副做光學眼鏡，另一副改造成黑超，不過大家暫時未有機會見到黑超真身，要到下個月先會正式到港。
新聞女王戴Xanadu
今年DITA都算係明星至愛，除了Insider外，仲有Xanadu，聽聞新聞女王楊秀惠和周麗淇都有購入。其實DITA都唔係單靠明星先起到家，自己都好爭氣，搞作多多，除了無間斷推出新款外，主腦都嚟過香港幾次接受訪問造勢力sell黑超，下星期DITA仲進駐名店集中地海港城開新店，一於港九都霸個地盤！
其他推介
Chlo囗荷李活女星圍捧
要數外國明星至愛黑超品牌，Chlo囗一定入圍。女星GwynethPaltrow行街買餸戴、歌姬J.LO係長期捧場客、即使平時幾咁不修邊幅嘅青春女星MischaBarton都有副Chlo囗傍身，可知Chlo囗幾受荷李活女星歡迎。凡事總有因由，Chlo囗的太陽眼鏡簡約得來有貴氣，啱晒大明星想遮住燦眼星光又不能太低調的極高要求。Chlo囗今季的太陽眼鏡，款式以圓鏡為主，鏡框較粗，非常retro。
AlainMikli潮人玩味
多得美國HipHop界大紅人KanyeWest戴上一副百葉簾太陽眼鏡，令AlainMikli即成人氣話題，敝報編採部某同事更一次買齊同款三色返工行街輪流戴。AlainMikli支持玩嘢嘅程度，直情係傾力瞓身，樂壇大姨媽EltonJohn開演唱會，都由AlainMikli度身訂做「三尖八角」眼鏡，雖然這款眼鏡獨一無二市面上無得賣，不過若然受歡迎的話，難保會推出市場益街坊。
JimmyChoo
章子怡明星功架
章子怡最犀利是，能令中外狗仔隊都將鏡頭瞄向她。在外國紅得起，當然值得恭喜，為免失禮人，一身名牌當然少不得。最近章小姐品味升格十倍，就連戴的星鏡都不再是只睇名牌，仲要有藝術氣息，咁先襯得起佢，講的是被女人視為藝術品的JimmyChoo，今季推出一系列共十款的太陽眼鏡，章小姐率先睇中其中一款「BOO」，未有得賣，先架上面，一副巨星氣派，當然又俾狗仔影到（不過張相唔可以登畀大家睇）。唔止章小姐有眼光，就連潮流天后GwenStefani都揀JimmyChoo。香港暫時只返貨兩款，貨量亦唔多，又係鬥快搶。
（a）AlainMikli（27771186）
又一城LG266號舖
（d）DITA（25230786）
中環雲咸街13號地下
（j）JimmyChoo（25256068）
中環置地廣場213A
（o）OnPedder（21183489）
中環畢打街20號地下