周海媚噚日喺將軍澳電視廣播城拍攝劇集《學警狙擊》，劇情講佢去教堂搵神父傾偈，呢齣劇仲有一個月就完成，周海媚話7月會返北京先，仲計劃8月睇奧運，佢特別鍾意跳水項目。 連日嚟周海媚睇到有關四川大地震嘅新聞，感到非常心酸，佢有位朋友身在四川，好彩佢平安無事，先令周海媚冇咁擔心咋。