拍慣驚慄懸疑片的李心潔，加上鬼才導演徐克，配襯真實而神秘海底古城，構成新片《深海尋人》，雖然盛傳與小小超李澤楷蜜運的梁洛施（Isabella）缺席宣傳，但心潔依然力讚Isabella「好搏命、係非常勇敢嘅女仔」，未知是否有弦外之音。
由徐克執導，李心潔、梁洛施及郭曉冬主演的驚慄愛情片《深海尋人》，故事講述飾演精神科醫生的李心潔，與考古學家郭曉冬相戀，熱愛潛水的郭曉冬計劃帶心潔去到冲繩最西端一個海底古城遺迹向她求婚，但卻遇上意外消失了。心潔在意外中失憶，飾演郭曉冬妹妹的梁洛施，決定潛入海底查探哥哥下落，其間給她發現事情與心潔有密切關係。
開戲學潛水考牌
李心潔興奮地分享拍攝樂趣，她指當地水底古城稱為與娜國島，是一個實在的海底古城遺迹，她說：「當時見到感覺好震撼，喺水面完全察覺唔到佢嘅存在，落到水底見到嘅畫面令你無法忘懷。」
完全不懂潛水的心潔，在開戲前數月，與梁洛施及郭曉冬等一起跟潛水教練學習兼考牌，她說：「潛水唔係容易，但導演想拍攝得準確啲，佢冇考牌就跳落水。」心潔透露，演活戲中角色，比起潛水更難、更具有挑戰，她說：「角色講我情緒去到終極崩潰，拍完個人都好啲，幸好過往有經驗，知道點樣處理自己嘅情緒，放鬆自己平復番。」
拍海報缺陣可惜
首次與梁洛施合作，心潔對她讚不絕口說：「Isabella好搏命，係非常勇敢嘅女仔，我哋潛水經驗唔多，大家彼此鼓勵，佢好可愛，個人好開朗，好男仔頭。」
此外，《深海尋人》海報因梁洛施缺陣，故由李心潔孭重飛，日前李心潔為海報拍照，她覺得梁洛施未能拍海報十分可惜失望，她說：「我哋拍完呢部戲都冇再見面，諗住影海報可以見到佢，點知佢因為合約問題冇嚟到，唔緊要啦，我覺得佢嘅演出表現好好。」
採訪：張俊銘、攝影：陳慧安
髮型：DomanicTao@04
化妝：JennyTziong 服裝：Agnesb
