投資銀行從來都係英雄地，好景嗰陣人工水漲船高，花紅百萬都係閒事，唔好景又或者係人為投資失利嘅話，唔理你高層定阿四，都會即炒無情講，而呢股「炒」風，近排又吹起，當中大摩、雷曼兄弟同埋美林，都係風眼所在地，唔少高層都被吹到位都冇埋！
大摩今勻一次過「炒」咗兩個高層，分別係駐香港嘅PeterSzekely，同埋駐新加坡嘅PontySingh，兩個都係董事總經理級數，Szekely06年先由瑞銀過檔，估唔到做得兩年。
其實自美國次按爆破，今個月初已有喺紐約嘅投資銀行話，會喺月內再裁減1500個職位，令去年6月至今嘅被裁人員增至4500人。