世界一級方程式車手「黑帝」咸姆頓,自從同港產女友JodiaMa分手後,身邊女伴就如車輪轉,但共通點就係年紀全部都大過佢,令人懷疑佢鍾意玩「姊弟戀」。不過,日前佢出席《康城影展》,就似乎轉咗口味,因為佢嘅新女朋友布赫特年齡終於細過佢;芳齡22、身高5呎8吋嘅布赫特,係格林納達選美冠軍,仲係2007年世界小姐最後16強。不過,唔知係咪我求驗客唔識欣賞,我總覺得細咸姆頓一年嘅布赫特個樣好成熟喎!