近日忙緊拍攝無綫劇集《溏心風暴之家好月圓》嘅鍾嘉欣，之前曾經獲某減肥產品邀請做代言人，由於反應唔錯，廣告商再搵嘉欣添食拍攝全新一輯廣告。為配合今次嘅夏日主題，嘉欣換上一件白色嘅短上衣配牛仔短褲，大騷佢條纖腰同美腿，另外又換上一件火紅色嘅上衣迎接炎炎夏日，體態撩人。