黃伊汶噚日接受商台嘅電話訪問，日前佢喺無綫嘅賑災活動中覺得新歌《渴求》唔配合現場氣氛，選擇唔唱，又有傳佢俾無綫cut歌發脾氣提早離場。黃伊汶噚日再次解釋當日嘅情況，佢話：「無綫都冇異議，因為首歌真係好party感覺，唔係好適合嗰個場合，當日啲記者見我有綵排，但最後又冇唱，先至寫古仔，好彩報道出街後好多人支持我。」